“კარგი იქნება, თუ „ფარასთან“ დაკავშირებულ სპეკულაციებს სამართლებრივად გაეცემა პასუხი” – ლევან მახაშვილი

კარგია, რომ მათ შორის „ფარას“ თემაც სტრასბურგის სასამართლოში წავიდა, იმედია რაც შეიძლება მალე დასრულდება, – ამის შესახებ ლევან მახაშვილმა განაცხადა.

მისი თქმით, კარგი იქნება, თუ სპეკულაციებს, რომელიც არსებობს აღნიშნულ კანონთან დაკავშირებით სამართლებრივად გაეცემა პასუხი.

„ქართულ სასამართლოებში ყველაფერი ნათელია, მაგრამ იმედია, სტრასბურგის სასამართლოს ძალითაც ერთხელ და სამუდამოდ ამ საკითხს პასუხი გაეცემა. მოვლენებს წინასწარ არ გავუსწრებ. სახელმწიფოს მხრიდან თუ რამე კითხვებზე პასუხი იქნება გადასაცემი ჩვენ ამას გავაკეთებთ. დაველოდებით საბოლოო განხილვას. ალბათ, სულ მცირე, წლის ბოლომდე აღნიშნულ თემაზე პასუხს არ უნდა ველოდოთ“, – განაცხადა მახაშვილმა.

საქართველოს ახალგაზრდა იურისტთა ასოციაციაში დღეს განაცხადეს, რომ სტრასბურგის სასამართლომ „უცხოეთის აგენტების რეგისტრაციის აქტის“ (ე.წ. FARA) საქმეზე არსებითი განხილვა დაიწყო.