ალეკო ელისაშვილის ახალი ბრალი – ვიდეო-კადრები, რომელიც გავრცელდა პირის იდენტიფიცირებისთვის უვარგისია.
ეს დასკვნა ექსპერტებმა დადეს. სპეციალისტები ვერ ამბობენ, ვინ არის ნიღბიანი კაცი, ჯოხით ხელში, რომელიც ღამით სასამართლოს ეზოში გადაადგილდება.
ექსპერტები წერენ, რომ კადრების მიახლოვების შემდეგაც კი ვერ დაადგინეს ვინ ჩანს ვიდეო მასალაში
“ექსპერტიზაზე წარმოდგენილ ვიდეოგრამებიდან ამოღებულ ფოტოგამოსახულებებზე დაფიქსირებული გამოძიებისათვის საინტერესო პიროვნების გამოსახულების კვლევისას დადგინდა, რომ საკვლევ გამოსახულებებს აქვთ დაბალი სიმკვეთრე და საშუალოდ კონტრასტულია, ხარისხის გაუმჯობესების მიზნით კონტრასტის მომატებისას, გამოსახულებებში იკვეთება ციფრული ხმაური, ამიტომ ფოტოგამოსახულებებზე მკვეთრად არაა გამოსახული საკვლევი ობიექტის კონტურები. გამოსახულებებში ასახული გამოძიებისათვის საინტერესო პიროვნების გარეგნობისთვის მახასიათებელი საიდენტიფიკაციო ნიშნების კონტურების, ფორმების, ზომების და მათი ურთიერთგანლაგების ზუსტი გარჩევა შეუძლებელია, აქედან გამომდინარე ფოტოგამოსახულებებზე დაფიქსირებული პიროვნების გარეგნობისთვის მახასიათებელი ერთობლიობა არ ქმნის პიროვნების საიდენტიფიკაციო ნიშნების ინდივიდუალურ მყარ კომპლექსს, რაც გვაძლევს საფუძველს დასკვნისთვის, რომ ექსპერტიზაზე წარმოდგენილ ვიდეოგრამებიდან ამოღებულ ფოტოგამოსახულებებზე (No44-54; No57-60; No62-64; No71-77; No79-80; No83-87) დაფიქსირებული გამოძიებისათვის საინტერესო პიროვნების გამოსახულების მიხედვით, შესაძლებელია მხოლოდ პიროვნების სავარაუდო დადგენა/ამოცნობა”-წერია დასკვნაში, რომელსაც ხელს მთავარი ექსპერტი, ნინო ბორაშვილი აწერს.