ირაკლი კობახიძე თურქმენეთის მინისტრთა კაბინეტის თავმჯდომარის მოადგილეს ნოკერგული ატაგულიევს შეხვდა.
საქართველოს მთავრობის ინფორმაციით, შეხვედრაზე საუბარი შეეხო საქართველოსა და თურქმენეთს შორის ურთიერთობებს და სამომავლო თანამშრომლობის პერსპექტივებს.
„განიხილეს ქვეყნებს შორის ორმხრივი თანამშრომლობის სხვადასხვა მიმართულება. აღინიშნა, რომ საქართველო-თურქმენეთის თანამშრომლობა თვისებრივად ახალ დონეზეა აყვანილი და მაღალი დონის ვიზიტები ხელს უწყობს აღნიშნული ურთიერთობების კიდევ უფრო განმტკიცებას. ისაუბრეს ქვეყნებს შორის სავაჭრო-ეკონომიკურ ურთიერთობებზე. ყურადღება დაეთმო სოფლის მეურნეობისა და ტურიზმის სფეროებში თანამშრომლობას. განიხილეს რეგიონში არსებული ვითარება. ხაზი გაესვა თურქმენეთის ძალისხმევას ცენტრალურ აზიაში მშვიდობისა და სტაბილურობის განმტკიცების მიმართულებით. ხაზგასმით აღინიშნა მსგავსი პოლიტიკის გატარების აუცილებლობა რეგიონის მდგრადი განვითარებისთვის“, – ნათქვამია საქართველოს მთავრობის ინფორმაციაში.