ე.წ. „კანონიერი ქურდის“, ჯვარსკის დედა, მანანა უბილავა სასამართლოში მიიყვანეს, სადაც დღეს მის საქმეზე მტკიცებულებების დასაშვებობის საკითხი განიხილება.
უბილავასთან ერთად პროცესზე მისი შვილი, ავაზ ხონელიძეც მიიყვანეს, რომელიც ასევე ქურდული სამყაროს მხარდაჭერის ბრალდებით არის დაკავებული.
ბრალდების მხარის განცხადებით, საქმეში 10 ბრალდებულის წინააღმდეგ პირდაპირი მტკიცებულებები არსებობს, მათ შორის ფარული ჩანაწერები.
მოსამართლე ირაკლი ხუსკივაძემ ასევე უნდა იმსჯელოს ბრალდებულებისთვის შეფარდებული აღკვეთის ღონისძიების — პატიმრობის გადახედვასთან დაკავშირებით.
“სასამართლო განიხილავს როგორც დაცვის ხმარის ასევე ბრალდების მხარის მიერ წარდგენილ მტკიცებულებების დასაშვებობას. ასევე დღევანდელ სასამართლო პროცესზე მოხდება ბრალდებულთა მიმართ გამოყენებული აღკვეთი ღონისძიების, პატიმრობის გადასინჯვა.
ბრალდების მხარეს მოპოვებული აქვს მტკიცებულებათა ერთობლიობა, რომლის გამოკვლევის შემდეგ სასამართლო დარწმუნდება, რომ ბრალდებულებმა ჩაიდინეს ქურდული სამყაროს წევრობა, ქურდული სამყაროს საქმიანობის მხარდაჭერა და ასევე კანონიერი ქურდობა.
მოპოვებულია ფარული საგამოძიებო მოქმედებების შედეგად მოპოვებული აუდიო-ვიდეომასალა კრებსითი ამონაწერებით, რითაც დასტურდება ბრალად შერაცხული ქმედების ჩადენა. იქმნებოდა ე.წ. კონფერენციები, სატელეფონო საუბრები, სადაც სხვადასხვა პირებს იგი აძლევდა ქურდულ მითითებებს.
დედაც ანალოგიური ქურდული სამყაროს მხარდაჭერის ფაქტზეა დაკავებული. მას აღკვეთის ღონისძიების სახით შეფარდებული აქვს პატიმრობა” – ამბობს საქმის პროკურორი.