“განაცხადი ჯერ არ შემოსულა” – ასე უპასუხა ეროვნული ბანკის პრეზიდენტმა ნათია თურნავამ ჟურნალისტების კითხვას ტელეკომპანია იმედის მიერ ბანკის დაფუძნების განაცხადთან დაკავშირებით.
თურნავას თქმით, თუკი მსგავს განაცხადს მიიღებენ, ეს საჯაროდ გახდება ცნობილი. ჟურნალისტის კითხვას, თუკი ეროვნული ბანკი „იმედის ბანკის“ გახსნაზე ლიცენზიას გასცემს, ხომ არ იქნება ეს სანქციებისთვის თავის არიდებაში ხელშეწყობის მცდელობა, თურნავა პასუხობს – “სპეკულაციაა. არ ინერვიულოთ, ყველაფერი კარგად იქნება“. მისივე თქმით, ეროვნული ბანკი კანონმდებლობით იხელმძღვანელებს.
დიდი ბრიტანეთის მიერ სანქცირებულმა ოცნების პროპაგანდისტულმა იმედმა, სანქციების დაწესების შემდეგ, საკუთარი ბანკის – “იმედის ბანკის” შექმნა დააანონსა.