გიორგი მამარდაშვილმა „ლივერპულის“ შემადგენლობაში ინგლისის პრემიერლიგაში ითამაშა – მერსისაიდული კლუბი „ბრაიტონს“ ესტუმრა და 1:2 დამარცხდა.
მასპინძლები მე-14 წუთზე დენი უელბეკის თავური დარტყმის შემდეგ დაწინაურდნენ – ქართველ მეკარეს ბურთის აღების შანსი არ ჰქონდა. 30-ე წუთზე მილოშ კერკეზმა წონასწორობა აღადგინა, მაგრამ მეორე ტაიმში უელბეკმა დუბლი შეასრულა და „ბრაიტონს“ სამი ქულა მოუტანა.
მამარდაშვილმა „ლივერპული“ რამდენიმე ეპიზოდში აშკარა გოლისგან გადაარჩინა და საბოლოოდ ქართველმა მეკარემ თავის გუნდში ყველაზე მაღალი შეფასება – 7.3 ქულა დაიმსახურა.