სუს-ის ანტიკორუფციული სააგენტოს ოპერატიული თანამშრომლის, გიორგი უსუფაშვილის ჩვენებით, თავდაცვის სამინისტროს მიერ გორის სამხედრო ჰოსპიტალისათვის შეძენილი აპარატურის ფასი ხელოვნურად იყო გაზრდილი.
შესაბამისი ინფორმაცია უსუფაშვილმა სასამართლო პროცესზე ჩვენების მიცემისას განაცხადა.
როგორც უსუფაშვილი აღნიშნავს, მას აღნიშნულ საკითხზე ინფორმაცია წყაროსგან, ოპერატიულად აქვს მიღებული.
სწორედ მისი პატაკის საფუძველზე დაიწყო გამოძიება.
„2023 წელს თავდაცვის სამინისტრომ გორის სამხედრო ჰოსპიტალისთვის სამედიცინო აპარატურა შეიძინა, ჩემს ხელთ არსებული ინფორმაციით, აღნიშნული შესყიდვის ფასი ხელოვნურად იყო გაზრდილი. აღნიშნულ თემაში იყვნენ როგორც კომპანიის წევრები, ასევე ბატონი ჯუანშერ ბურჭულაძის ცოლის ძმა, ვასილ მხეიძე, ასევე საქმის კურსში იმყოფებოდნენ იმჟამინდელი მინისტრის, ჯუანშერ ბურჭულაძის მოადგილე გიორგი ხაინდრავა და თავდაცვის სამინისტროს შესყიდვების დეპარტამენტის ყოფილი უფროსი, ვლადიმერ ღუდუშაური…
ეს ინფორმაცია მომაწოდეს, ამაზე საუბრის უფლება არ მაქვს”,- განაცხადა გიორგი უსუფაშვილმა.