საქართველოს პროკურატურამ დაადასტურა, რომ ბათუმელი პოლიციელი ზღვისპირა ქალაქის ერთ-ერთ მაღაზიაში დანით შეიარაღებული შეჭრა, მოლარეს ემუქრებოდა, რომ სიცოცხლისთვის საშიშ დაზიანებებს მიაყენებდა, გაიტაცა 2900 ლარზე მეტი და გაიქცა.
ყაჩაღობის ბრალდებით დაკავებული პოლიციელი 32 წლის ტარიელ რიჟვაძეა. ადგილზე “პირველებს” არაოფიციალურ საუბრებში უყვებიან, რომ ის აზარტულ თამაშებში იყო ჩართული, შესაძლოა ყაჩაღობის ორგანიზებაც წაგებულ ფულს უკავშირდებოდეს. ახლა ჩნდება კითხვა როგორ გამოეპარა შინაგან საქმეთა სამინისტროს გენერალურ ინსპექციას ეს ფაქტი იქამდე ვიდრე პოლიციელი ყაჩაღობას არ ჩაიდენდა და ვინ აფარებდა მას ხელს?
სუპერმარკეტი, რომელიც შინაგან საქმეთა სამინსიტროს მოქმედმა პოლიციელმა დააყაჩაღა “სპარია”. ერთ-ერთი ვერსიით ტარიელ რიჟვაძე მაღაზიაში უნიღბოდ შევიდა, თუმცა დეტალებზე “სპარში” საუბარი არ სურთ.