ირანულმა მხარემ კარგად იცის, რომ აზერბაიჯანის დამოუკიდებელი სახელმწიფო დღეს ირანში მცხოვრები მრავალი აზერბაიჯანელისთვის იმედის წყაროა, – ამის შესახებ აზერბაიჯანის პრეზიდენტმა, ილჰამ ალიევმა განაცხადა.
ალიევის მტკიცებით, ირანულ მხარეს არაერთხელ ეცნობა, განსაკუთრებით გასულ წელს მომხდარი შეტაკებების შემდეგ, რომ აზერბაიჯანის ტერიტორია არცერთი მეზობელი სახელმწიფოს წინააღმდეგ არ იქნება გამოყენებული.
„ჩვენ ამას არ დავუშვებთ, ისევე როგორც აქამდე არასდროს დაგვიშვია. მართალია, გასული წლის ზაფხულში და მის შემდგომ პერიოდში, ირანიდან ჩვენს წინააღმდეგ უსაფუძვლო ბრალდებები გაისმა. ირანის სახელმწიფო სტრუქტურების მიერ კონტროლირებადი მედია საშუალებები აწარმოებდნენ მახინჯ, ცილისმწამებლურ კამპანიას აზერბაიჯანის წინააღმდეგ, რათა შეელახათ აზერბაიჯანი და შეეცვალათ ირანში მცხოვრები ჩვენი თანამემამულეების აზრი. რადგან მათ კარგად იციან, რომ დღეს დამოუკიდებელი აზერბაიჯანული სახელმწიფო იმედის წყაროა ირანში მცხოვრები მრავალი აზერბაიჯანელისთვის“, – განაცხადა ილჰამ ალიევმა.