ირანთან ომის დაწყებიდან დღემდე, ირანის 3 000-ზე მეტი ჯარისკაცი და რეჟიმის წარმომადგენელი დაიღუპა – ინფორმაციას გამოცემა Ynet ავრცელებს ისრაელის წარმომადგენლის ინფორმაციაზე დაყრდნობით.
28 თებერვალს ამერიკის შეერთებულმა შტატებმა და ისრაელმა ირანის რეჟიმის წინააღმდეგ ერთობლივი სამხედრო ოპერაცია დაიწყეს. სამიზნე ობიექტებზე მიტანილი საჰაერო იერიშების შედეგად ირანის სამხედრო ხელმძღვანელობის დიდი ნაწილი განადგურდა. 28 თებერვალს, გვიან ღამით, აიათოლა ალი ხამენეის ლიკვიდაცია ოფიციალურად დადასტურდა.