დუბაის საერთაშორისო აეროპორტმა (DXB) და ალ მაკტუმის აეროპორტმა (DWC) მუშაობა შეაჩერეს.
ორივე აეროპორტი დაიხურა შემდგომ შეტყობინებამდე. მგზავრებს ურჩევენ, არ მივიდნენ აეროპორტში და ფრენის დეტალების გასარკვევად ავიაკომპანიებს დაუკავშირდნენ.
CNN -ის ჟურნალისტების ცნობით, დუბაიში აფეთქებების ხმა გაისმა.
გამოცემა ვიდეოკადრებს ავრცელებს.
უცნობია, აფეთქებები ირანის სარაკეტო დარტყმების შედეგად მოხდა, თუ არაბთა გაერთიანებული საამიროების საჰაერო თავდაცვის სისტემების მიერ მათი ჩამოგდების შედეგად.