გასულ წელს თბილისის ქუჩებში ნარჩენების დაყრაზე 902 ოქმი შედგა – ჯარიმების მოცულობამ 3 მლნ ლარს გადააჭარბა

გასულ წელს თბილისის ქუჩებში ნარჩენების დაყრაზე 902 ოქმი შედგა – ჯარიმების მოცულობამ 3 მლნ ლარს გადააჭარბაგასულ წელს თბილისის ქუჩებში ნარჩენების დაყრაზე 902 ოქმი შედგა – ჯარიმების მოცულობამ 3 მლნ ლარს გადააჭარბა
გასულ წელს თბილისის ქუჩებში ნარჩენების დაყრაზე 902 ოქმი შედგა, ჯარიმების მოცულობამ 3 მლნ ლარს გადააჭარბა. ამის შესახებ ინფორმაცია „ბიზნესპრესნიუსმა“ დედაქალაქის მერიიდან გამოითხოვა.

მოწოდებული მონაცემების მიხედვით, 2025 წელს, წინა წელთან შედარებით ოქმების რაოდენობა გაზრდილი 1%-ით, ხოლო ჯარიმების საერთო მოცულობა 38.5%-ით.

უფრო კონკრეტულად, თბილისის მერიის ინფორმაციით, მუნიციპალური ინსპექციის ადმინისტრაციულ სამართალდარღვევათა მონიტორინგის სამმართველოს ნარჩენების კონტროლის განყოფილების მიერ, 2025 წლის განმავლობაში, შედგა 1504 საჯარიმო ქვითარი, მათგან გარემოს დანაგვიანების ფაქტებზე (მხოლოდ ნარჩენების დაყრის კუთხით) შედგა 902 ოქმი.

ამასთან, მოწოდებული მონაცემების მიხედვით, 2025 წლის განმავლობაში, ოქმებით გამოწერილი თანხის ჯამურმა ოდენობამ შეადგინა 3 564 660 ლარი, მათგან გარემოს დანაგვიანების ფაქტებზე (მხოლოდ ნარჩენების დაყრის კუთხით) გამოწერილი თანხის ჯამურმა ოდენობამ შეადგინა 3 037 160 ლარი.

რაც შეეხება 2024 წლის მონაცემებს, დედაქალაქის მერიის ცნობით,მუნიციპალური ინსპექციის ადმინისტრაციულ სამართალდარღვევათა მონიტორინგის სამმართველოს ნარჩენების კონტროლის განყოფილების მიერ, შედგა 1008 ოქმი და ოქმებით გამოწერილი თანხის ჯამურმა ოდენობამ შეადგინა 2 404 800 ლარი. აქედან, გარემოს დანაგვიანების ფაქტებზე (მხოლოდ ნარჩენების დაყრის კუთხით) შედგა 893 ოქმი, ხოლო გამოწერილი თანხის ჯამურმა ოდენობამ შეადგინა 2192500 ლარი.