საქართველოს ყოფილი პრეზიდენტი, მსჯავრდადებული მიხეილ სააკაშვილი, აცხადებს, რომ ყულევის პორტის სანქცირებას მტკიცედ უჭერს მხარს. როგორც სააკაშვილი სოციალურ ქსელში წერს, ყულევის პორტი არის “თაღლითური ოპერაცია”.
“მე მტკიცედ ვუჭერ მხარს ყულევის პორტის სანქცირებას. ეს არის თაღლითური ოპერაცია, რომელიც ემსახურება რუსეთისა და ივანიშვილის ერთობლივ ინტერესებს და აფინანსებს უკრაინის წინააღმდეგ ომს”, – წერს მიხეილ სააკაშვილი.
აქვე შეგახსენებთ,რომ ევროკავშირი განიხილავს საქართველოს შავი ზღვის პორტის, ყულევის შესაძლო შეყვანას რუსეთის წინააღმდეგ მომზადებული სანქციების მე-20 პაკეტში. შესაბამისი წინადადება ევროკომისიამ უკვე მოამზადა და ის ითვალისწინებს ტრანზაქციების შეზღუდვას ოთხ კონკრეტულ ტერმინალთან, მათ შორის ყულევთან.