საქალაქო სასამართლოში ბაჩო ახალაიას სასამართლო პროცესი მიმდინარეობს. დღეს წინასასამართლო სხდომაა, მხარეები შესავალი სიტყვით წარდგებიან. პროცესს ბრალდებული ბაჩო ახალაია ესწრება.
თავდაცვის ყოფილ მინისტრს ბრალი წარდგენილი აქვს 4 ოქტომბრის საქმეზე ჯგუფური ძალადობის ორგანიზებასა და ხელმძღვანელობაზე, რაც 9 წლამდე პატიმრობას ითვალისწინებს.
“ყველა მასალა გახლავთ საიდუმლო და, შინაარსთან დაკავშირებით, ბრალდების მხარე ვერ ისაუბრებს. სასამართლო პროცესზე წარმოდგენილნი იქნებიან ის ექსპერტები, რომლებმაც შესაბამისი დასკვნები გასცეს. შესაბამისად, დაიკითხებიან სასამართლოს წინაშეც. ყველა მტკიცებულება და ყველა ექსპერტი, რომელმაც ჩაატარა და გასცა შესაბამისი დასკვნა, დაადასტურებს მათ ავთენტურობას”, – აცხადებს პროკურორი თამარ ბეჟუაშვილი.