ბრაზილიაში სამგზავრო ავტობუსი გადაბრუნდა – დაიღუპა სულ მცირე 16 ადამიანი, მათ შორის 4 ბავშვი. საერთაშორისო მედიაში გავრცელებული ინფორმაციით, ავტობუსში 60 მგზავრი იმყოფებოდა.
ავტობუსი სეარას შტატში რელიგიური ფესტივალის, კანდელარიას ღვთისმშობლის აღნიშვნიდან ბრუნდებოდა, რომელიც ყოველ 2 თებერვალს იმართება და მას ათასობით ადამიანი სტუმრობს. დაღუპულების შესახებ ინფორმაცია მედიას ოფიციალურმა პირებმა დაუდასტურეს, არიან დაშავებულებიც. ალაგოასის რეგიონულმა მთავრობამ გაავრცელა განცხადება, სადაც წერია, რომ დაღუპულთა შორის შვიდი ქალი, ხუთი მამაკაცი და ოთხი ბავშვია. საქმეზე დაწყებულია გამოძიება.