“აშშ-ის პრეზიდენტის დონალდ ტრამპის განცხადებით, ირანთან დაკავშირებული სიტუაცია ცვალებადია, რადგან მან რეგიონში „დიდი არმადა“ გაგზავნა, თუმცა ფიქრობს, რომ თეირანს ნამდვილად სურს შეთანხმების დადება.
„ირანთან ახლოსდიდი არმადა გვყავს. ვენესუელაზე დიდი“, – განაცხადა ტრამპმა Axios-თან ინტერვიუში, თუმცა დასძინა, რომ დიპლომატია კვლავ ვარიანტად რჩება.
„მათ შეთანხმების დადება სურთ. მე ასე ვიცი. არაერთხელ დარეკეს. მათ საუბარი სურთ“, – აღნიშნა ტრამპმა.
Axios-ი, წყაროებზე დაყრდნობით, წერს, რომ ტრამპს ჯერ არ მიუღია გადაწყვეტილება ირანზე დარტყმების შესახებ. გამოცემის ცნობით, აშშ-ის პრეზიდენტი ამ კვირაში ამ საკითხზე კონსულტაციებს გამართავს.
გუშინ ცნობილი გახდა, რომ ავიამზიდ „აბრაამ ლინკოლნის“ დამრტყმელი ჯგუფი აშშ-ის სამხედრო ძალების ცენტრალური სარდლობის პასუხისმგებლობის ზონაში შევიდა, რომელიც ირანსაც მოიცავს.