ტელეკომპანია „რუსთავი 2“ ეხმაურება საქართველოს პრემიერ-მინისტრ ირაკლი კობახიძის განცხადებას და დებატებისთვის მზაობას გამოთქვამს.
„პრემიერ-მინისტრის, ირაკლი კობახიძის ინიციატივის შემდეგ, რომელმაც ვრცლად ისაუბრა საზოგადოებაში დებატების, ჯანსაღი დისკუსიის არსებობის აუცილებლობაზე – ჩვენი არხი აცხადებს, რომ სრულად ვეთანხმებით პრემიერის პოზიციას და ვიზიარებთ ამ პასუხისმგებლობას.
შესაბამისად, ვაცხადებთ მზაობას, ჩვენი ეთერი გაიხსნას დისკუსიისათვის ჩვენ მიერ შერჩეული ფორმატის, თემატიკისა და განსხვავებული აზრის მქონე რესპონდენტების მონაწილეობით, რასთან დაკავშირებითაც დეტალურ ინფორმაციას უახლოეს დღეებში ვაცნობებთ საზოგადოებას“, – ნათქვამია არხის განცხადებაში.