ჰოლივუდის ვარსკვლავი ცოლ-ქმარი, მსახიობები ბლეიკ ლაივლი და რაიან რეინოლდსი უკრაინელი ხალხის მხარდასაჭერად აქტიურ კამპანიაში ჩაერთვნენ. მათ უკრაინელი ლტოლვილების დასახმარებლად საქველმოქმედო ფონდი შექმნეს, რომლებიც ყოველ გაღებულ დონაციას გააორმაგებენ, რომ ჯამში $1 მილიონი შეგროვდეს. ჰოლივუდის ცნობილმა წყვილმა განცხადება სოციალურ ქსელში გაავრცელა.
“48 საათის განმავლობაში, უთვალავ უკრაინელს მოუწია საკუთარი სახლის დატოვება და მეზობელი ქვეყნებისთვის თავშეფარება. მათ დაცვა სჭირდებათ. თქვენ მიერ გაღებულ დონაციას ჩვენ გავაორმაგებთ და $1 მილიონად ვაქცევთ”, – ვრცელდება რეინოლდსის განცხადება “ტვიტერზე” და გამომწერებს გაეროს ლტოლვილთა სააგენტოსთვის დონაციის გაღებისკენ მოუწოდა.
ჰოლივუდელი წყვილის წამოწყებას ამერიკელი მსახიობი, სარა ჯესიკა პარკერიც შეუერთდა.
” თუ ვინმეს აქვს ინფორმაცია იმის შესახებ, თუ როგორ დავეხმაროთ საავადმყოფოებს, რომლებიც ინტენსიური თერაპიის განყოფილებაში მოთავსებულ ახალშობილებზე ზრუნავენ, გთხოვთ შემატყობინოთ. დიდი მადლობა!“ – წერს მსახიობი „ინსტაგრამზე“.
https://mix.metronome.ge/26240-2/