აშშ-ის პრეზიდენტის, დონალდ ტრამპის განცხადებით, აზერბაიჯანი და სომხეთი “პუტინის ტერიტორიაა”. ამის შესახებ აშშ-ის პრეზიდენტმა, დონალდ ტრამპმა ბრიფინგზე განაცხადა.
“სომხეთი და აზერბაიჯანი. პრეზიდენტმა პუტინმა მითხრა: “ვერ ვიჯერებ, რომ ეს ომი მოაგვარე. 10 წელი ვცდილობდი ამ ომის მოგვარებას”. სომხეთი და აზერბაიჯანი მრავალი, მრავალი წელი იბრძოდნენ. და მოვახერხე ორივე ქვეყნის მეთაურის ჩემს ოვალურ ოფისში მოყვანა. და ერთი ერთ მხარეს დაჯდა, მეორე – მეორე მხარეს.
ერთმა მითხრა: “აზერბაიჯანის მეთაური ვარ 22 წელია და 22 წელია მის ხალხს ვკლავდი”. და მეორე ჯენტლმენმა – ორივე კარგი ადამიანია – მითხრა: “7 წელია ვარ და 7 წელია მის ხალხს ვკლავდი”. და რამდენიმე საათში ერთმანეთის გვერდით იყვნენ და როდესაც დავასრულეთ, ისინი ერთმანეთს ეხუტებოდნენ და დიდი მშვიდობა იყო…
მაგრამ პუტინმა მითხრა: “ვერ ვიჯერებ, რომ მოახერხე ამ ომის მოგვარება, 10 წელია ვმუშაობდი ამაზე”, ვინაიდან ეს მისი ტერიტორიაა”, – განაცხადა ტრამპმა.