მოკლული მასწავლებლის დედა, ეკა კუპატაძე სოციალურ ქსელში ვიდეოს აქვეყნებს და ამბობს, რომ მისი შვილის მკვლელობის ვიდეოს ავრცელებს მოპირისპირე მხარე.
ეკა კუპატაძე პროკურატურას მიმართავს და ამბობს, რომ გიგა ავალიანის მკვლელობა “კინო არ არის”.
საჯაროდ გავრცელებული ცნობების თანახმად, 2025 წლის პირველ ოქტომბერს, ღამით, 22:20 საათზე თბილისში, თემქის დასახლებაში მასწავლებელს ორი არასრულწლოვანი აედევნა. ისინი გიგა ავალიანს სახლამდე გაჰყვნენ, სადარბაზოში შესვლამდე თავს დაესხნენ, ერთ-ერთი ამ სცენას ტელეფონით იღებდა. ახალგაზრდა 24 ოქტომბერს გონზე მოუსვლელად გარდაიცვალა.
საქმეზე ოთხი პირია დაკავებული – ოთხიდან სამს, დანაშაულის შეუტყობინებლობას ედავებიან. ხოლო ერთს სსკ-ის 117-ე მუხლის მეორე ნაწილით (ჯანმრთელობის განზრახ მძიმე დაზიანება, რამაც გამოიწვია სიცოცხლის მოსპობა) აქვს ბრალი წაყენებული.