ირანში უსაფრთხოების ძალებმა მანქანაში ოჯახის სამი წევრი ჩაცხრილეს – ინფორმაციას ირანული მედია, Iran International ავრცელებს და წერს, რომ შემთხვევა 9 იანვარს, თეირანის დასავლეთით მდებარე ქალაქ კარაჯში მოხდა.
გამოცემას ოჯახთან დაახლოებული პირი ეუბნება, რომ უსაფრთხოების ძალების მიერ მოკლული ადამიანებიდან ერთ-ერთი მასწავლებელი ბიჯან მოსტაფავია, ასევე, მისი მეუღლე ზაჰრა ბანი ამერიანი და მათი 19 წლის სტუდენტი ვაჟი დანიალ მოსტაფავი. Iran International-ის მიერ მიღებული ინფორმაციის თანახმად, უსაფრთხოების ძალების მხრიდან ძლიერი სროლის დროს ოჯახი საკუთარ ავტომობილში იმყოფებოდა.