მეორე დაბადების დღე ციხეში – თამთა ჩხეიძე მეუღლეს, პატიმრობაში მყოფ “ლიმონის” დამფუძნებლს, გიორგი ოკმელაშვილს დაბადების დღესემოციური პოსტით ულოცავს და წერს, რომ მისი შვილი აუცილებლად სიამაყით მოყვება, რომ “მისი მამა არ გატყდა”.
თავისუფლება შეიძლება ჩაკეტო, მაგრამ ღირსებას ვერასდროს ჩაკეტავს უღირსი მახინჯი ადამიანები – წერს თამთა ჩხეიძე.
მეორე დაბადებისდღე, რომელსაც უსამართლობის კედლებს მიღმა ხვდება Giorgi Okmelashvili
მაგრამ ვერ ჩაკეტეს ოკმელაში
სინდისი
ღირსება და
სიყვარული
ოკმელამ აირჩიე რთული გზა,
იმიტომ რომ მარტივი გზა ღალატით და უსამართლობით წყებოდა
აირჩია ოკმელამ სიმართლე მაშინ,
როცა დუმილი უსაფრთხო იყო.
ოკმელა არის მამა, რომელის შვილიც ერთხელ სიამაყით მოყვება
„ჩემი მამა არ გატყდა“
არ ვიტყვი, რომ ყველაფერი კარგად იქნება, ვიტყვი იმას, რაც ვიცი!
სიმართლე დროს ითხოვს, მაგრამ არასდროს მარცხდება
თავისუფლება შეიძლება ჩაკეტო, მაგრამ ღირსებას ვერასდროს ჩაკეტავს უღირსი მახინჯი ადამიანები.
ისტორია ყოველთვის იმათ სახელს იმახსოვრებს, ვინც არ გატყდა და ვინც ნათელ გზას ირჩევს და არა სიბნელეს ან მონობას
შენ გაგიმარჯოს ჩემო გმირო, ღირსეულო, საამაყო ერთადერთო და მარტო ერთო ადამიანო მიყვარხარ და მადლობა ესეთ საინტერესო თავგადასავლებში რომ მამყოფებ და მადლობა ჩემ და შენ მეგობრებს ამ ჩვენი სიყვარულის ნაწილი რომ არიან🫂💜 მინდა ერთად გოაზე როგორც ყოველ წელს ხდებოდა ხოლმე
ჯერ ვერ დაგიხსენი მაპატიე
ცნობისთვის, გიორგი ოკმელაშვილი შსს-მ 15 მაისს დააკავა 14 მაისის აქციაზე პოლიციელის ფიზიკური შეურაცხყოფის საბაბით. 17 მაისს სასამართლომ ოკმელაშვილს აღკვეთის ღონისძიების სახით პატიმრობა შეუფარდა.
შსს-ს 15 მაისის განცხადების თანახმად, გამოძიება სისხლის სამართლის კოდექსის 353-ე პრიმა მუხლის პირველი ნაწილით მიმდინარეობდა, რაც სამსახურებრივი საქმიანობის შესრულების დროს პოლიციელზე თავდასხმას გულისხმობდა. ამასთან, საქმეს დაემატა ბრალი, რომელიც მცირე ოდენობით ნარკოტიკული ნივთიერების შეძენა-შენახვას გულისხმობდა.