დაპატიმრებული პოლიტიკოსი, ალეკო ელისაშვილი მამუკა მდინარაძეს პირად ანგარიშსწორებაში ადანაშაულებს და აცხადებს, რომ ყველაზე მკაცრი რეჟიმის ციხეში სწორედ სუს-ის შეფის დავალებით მოათავსეს.
ციხეში არსებულ უმძიმეს ვითარებაზე პოლიტიკოსმა დღევანდელ სასამართლო პროცესზე ისაუბრა და დააანონსა, რომ სუს-ის ხელმძღვანელს დაბადების დღეზე იმ ინვენტარს გაუგზავნის, რომელიც ციხეში შესთავაზეს.
“მისი (მამუკა მდინარაძის) დავალებით ვარ უმკაცრეს ციხეში. 2 თვეა ფრჩხილი ვერ მოვიჭერი, საკვნეტელა ვერ ვიყიდე ციხის მაღაზიაში. 1 თვე პლასმასის ტაშტი არ მომცეს. დაბადების დღეს გავარკვევ როდის აქვს და ეს ტაშტი უნდა გავუგზავნო ნახმარი”, – განაცხადა ელისაშვილმა სასამრთლოზე.” – განაცხადა ალეკო ელისაშვილმა.
ამ სიტყვების შემდეგ მოსამართლე მზია გარშაულაშვილმა ელისაშვილს მოუწოდა კორექტული ყოფილიყო და საბრალდებო სკამი პოლიტიკური განცხადებებისთვის არ გამოეყენებინა.
ოპოზიციონერი პოლიტიკოსიმოსამართლეს უხსნიდა, რომ არაკორექტული არაფერი უთქვამს, თუმცა გარშაულაშვილმა ელისაშვილისის სხდომიდან გაძევების გადაწყვეტილება მიიღო.