ხობში ცეცხლსასროლი იარაღით 2 ადამიანი დაჭრეს. “ფორმულას” ინფორმაციით, ერთი დაჭრილი გიორგი ქორთუაა, მეორე კი ე.წ. კანონიერი ქურდი კახა ჭკადუა.
ორივე საავადმყოფოშია გადაყვანილი. შსს-ს ოფიციალური ინფორმაცია არ გაუვრცელებია, თუმცა დაკავებულია 1 პირი. დაუდასტურებელი ინფორმაციით, მომხდარი წარსულ დაპირისპირებას უკავშირდება.
“იარაღი ქორთუასია. რეგისტრირებული იარაღია და რეალურად ესენი იქით დაესხნენ თავს ჭკადუას და ფაქტიურად განაიარაღა იმან და თავი დაიცვა. მობილურები გამოძიებამ მოიპარა, ბრალდებულის მობილური დანაშაულებრივადაა ამოღებული და მალავენ. მობილურში არის ხმოვნები, სადაც ემუქრებიან მკვლელობით ბრალდებულს, რომ სადაც ნახავენ ლიკვიდაცია მოხდება ამის. ეს ტელეფონი გამოძიებამ დამალა ჩხრეკის დროს ამოიღო იმიტომ, რომ არ აწყობს ახლა…ქორთუა ურეკავს წინასწარ, რომ გამოდი ძმაო შენი ნახვა მინდა და რაღაცები, ხელიდან წაართვა, ხელით ჭიდაობაში იყვნენ, მან თოფის გასროლა მოახდინა, კლავდნენ აბა რა ექნა “- ამბობს ადვოკატი