ალექსანდრე ლუკაშენკომ საახალწლოდ 22 პატიმარი შეიწყალა

ბელარუსის პრეზიდენტმა, ალექსანდრე ლუკაშენკომ საახალწლოდ 22 პატიმარი შეიწყალა.
ლუკაშენკოს ოფიციალურ ვებგვერდზე შეწყალების საფუძვლად „ჰუმანიტარული მოტივები და მსჯავრდებულთა ოჯახების ინტერესებია“ დასახელებული. შეწყალებულებს შორის 20 პატიმარი „ექსტრემისტული მიმართულების დანაშაულისთვის“ არის გასამართლებული.
მათ შორის 15 ქალი და 7 კაცია, რომლებმაც „ბრალი აღიარეს, მოინანიეს და სახელმწიფოს მეთაურს შეწყალების შუამდგომლობით მიმართეს“. შეწყალებულთა ვინაობა ცნობილი არ არის.
ბელარუსის ხელისუფლება „ექსტრემისტული მიმართულების დანაშაულისთვის“ მსჯავრდადებულებად, როგორც წესი, პოლიტიკური მოტივებით გასამართლებულ პირებს მოიხსენიებს.