აშშ-ის პრეზიდენტის, დონალდ ტრამპის განცხადებით, იმედოვნებს, რომ ისრაელი და სირია კარგ ურთიერთობას დაამყარებენ. ამის შესახებ ტრამპმა ისრაელის პრემიერ-მინისტრ ბენიამინ ნეთანიაჰუსთან შეხვედრის დაწყებამდე ისაუბრა.
შეერთებული შტატების პრეზიდენტის თქმით, სირიის ახალი ლიდერი ინტენსიურად მუშაობს ქვეყნის მოწესრიგებაზე. როგორც დონალდ ტრამპმა განმარტა, მან სირიისთვის დაწესებული სანქციები მოხსნა, რათა ქვეყანას გადარჩენის შანსი ჰქონოდა.
„მე მოვხსენი სირიისთვის დაწესებული სანქციები, რადგან წინააღმდეგ შემთხვევაში მათ არ ექნებოდათ შანსი. გვინდა, სირია გადარჩეს. ასე რომ, ვისაუბრებთ სირიაზეც“, – განაცხადა დონალდ ტრამპმა ნეთანიაჰუსთან შეხვედრის დაწყებამდე.