დღეს, 23 დეკემბერს დააკავეს სახელმწიფო უსაფრთხოების სამსახურის ყოფილი უფროსი გრიგოლ ლილუაშვილი. მას 4 საქმეზე დიდი ოდენობით ქრთამის აღება ედება ბრალად, რაც 15 წლამდე პატიმრობას ითვალისწინებს.
გრიგოლ ლილუაშვილს ბრალი ედება საქართველოს სისხლის სამართლის კოდექსის 338-ე მუხლის მე-2 ნაწილის ,,გ’’ ქვეპუნქტით და მე-3 ნაწილის ,,ე’’ ქვეპუნქტით, რაც წინასწარი შეთანხმებით ჯგუფის მიერ, განსაკუთრებით დიდი ოდენობით ქრთამის აღებას გულისხმობს და სასჯელის სახით 11-დან 15 წლამდე თავისუფლების აღკვეთას ითვალისწინებს.
ყოფილი მაღალჩინოსნის ქონებრივი დეკლარაცია:
დეკლარაცია ლილუაშვილმა 2025 წლის აპრილში შეავსო, რომლის მიხედვითაც, არც უძრავი და არც მოძრავი ქონება არ გააჩნია პირად საკუთრებაში.
მისი მეუღლის სახელზეა რეგისტრირებული მსუბუქი ავტომობილი toyota rav4, რომელშიც 2021 წელს 10 500 აშშ დოლარი გადაიხადა.
გრიგოლ ლილუაშვილს დეკლარაციის შევსების მომენტში საბანკო ანგარიშზე ჰქონდა75 000 დოლარი და 8 500 ევრო.
ამასთან, დეკლარაციის მიხედვით, 2024 წელს გრიგოლ ლილუაშვილს სახელმწიფო უსაფრთხოების სამსახურის უფროსის თანამდებობაზე ხელფასის სახით აღებული აქვს წლიურად 141 274 ლარი.
განაგრძეთ კითხვა – ბმულზე .