მომღერალი უცნობი განცხადებას ავრცელებს და ირაკლი კობახიძესა და საპატრიარქოს თხოვნით მიმართავს და მოუწოდებს პროევროპულ აქციებზე დაკავებულების შეწყალებისაკენ.
მისი თქმით, ის იმედოვნებს, რომ შეწყალების შემდეგ ეს დაკავებული ადამიანები განთავისუფლების შემდეგ სიკეთეს დაინახავენ, შეცდომებს გაიაზრებენ და ხელისუფლებასთან დაკავშირებით აზრს შეიცვლიან.
“რაღაცნაირად, ვთხოვ აბსოლუტურად ყველას, პირველ რიგში, პრემიერმინისტრს, ირაკლი კობახიძეს და ვთხოვ საპატრიარქოს, თუ რამდენად გაითვალისწინებენ ჩემს თხოვნას არ ვიცი, მაგრამ შემიძლია პასუხისმგებლობაც კი ავიღო ჩემ თავზე, რომ რაღაცნაირად გამოუშვით ეს ადამიანები. გამოვუშვათ ეს ადამიანები წინა საახალწლოდ, რომ დაფიქრდნენ, რაღაც სიკეთის ფასი რა არის, სიყვარულის ფასი რა არის. მე ვიქნები პასუხისმგებელი პირადად იმისი, რომ თუ ამ ადამიანებმა ისევ იგივე დანაშაული ჩაიდინეს, რაც ჩაიდინეს მაშინ მეც დამაყენონ დარტყმის ქვეშ და თავიანთი თავებიც დაიყენონ კიდევ ერთხელ. რა თქმა უნდა, მაგათ მეორედ უკვე აღარავინ აპატიებს.
იქნებ სიკეთე მაინც დაინახონ იმისი, რომ რაღაცნაირად, ჩვენ არ გვიხარია მათი ციხეში ჯდომა. არანაირად არ გვიხარია, უბრალოდ მინდა, რომ ეს რაღაც დამთავრდეს, თითქოს მათი სახელით ლაპარაკი, მათი სახელით ის, რომ აი, პოლიტიკური პატიმრები, დიქტატურა, დაჭერები, გამოუშვით რა. გამოუშვით ძალიან გთხოვთ რა.
საპატრიარქოს მივმართავ, პირველ რიგში, და რა თქმა უნდა, ხელისუფლებას, თუკი რამე დამსახურება გამაჩნია ამ ქვეყნის წინაშე, ძალიან გთხოვთ, რომ ეს ამბავი მე შემისრულოთ პირადად და მე ვიქნები პასუხისმგებელი იმისი, რომ ეს ადამიანები იგივეს აღარ ჩაიდენენ. თუ ჩაიდენენ აქა ვართ ჩვენც და აქა ხართ თქვენც და რა თქმა უნდა, პასუხისმგებლობა არავის არ ასცდება. თქვენი გადასწყვეტია, უბრალოდ მე ვთქვი ის ამბავი, რომ რაღაცნაირად სიკეთით და სიყვარულით დავუპირისპირდეთ ჩვენ ამ სიტუაციას, რაშიც ვართ.”