თელავში მომხდარი ავტოსაგზაო შემთხვევის შედეგად დაშავებული მამაკაცი კლინიკაში გარდაიცვალა.
შემთხვევა მშვიდობის ქუჩაზე, ორი დღის წინ მოხდა. თვითმხილველების ინფორმაციით, მსუბუქი ავტომობილი ქვეითს იმ დროს დაეჯახა, როდესაც ის გზის გადაკვეთას ცდილობდა.
დაშავებული მამაკაცი მძიმე ტრავმებით კლინიკაში მოათავსეს, თუმცა, სიცოცხლესთან შეუთავსებელი დაზიანებების გამო, მისი გადარჩენა ვერ მოხერხდა. გარდაცვლილი 65 წლის ლევან დალაქიშვილია, რომელიც ახლობლების ოჯახში სამძიმრის სათქმელად იმყოფებოდა. მომხდარ ფაქტზე დაწყებულია გამოძიება.