“საქართველოში დემოკრატიის შემცირება, რომელიც აღინიშნება სახელმწიფოს მიტაცებით, სამოქალაქო საზოგადოების სასტიკი რეპრესირებით და საარჩევნო თაღლითობით, ყველასთვის შემაშფოთებელი უნდა იყოს” – ამის შესახებ ევროპარლამენტარმა დევიდ მაკალისტერმა საქართველოზე სტრასბურგში, ევროპარლამენტის პლენარულ სესიაზე განაცხადა.
მისი თქმით, ის თუ როგორ იბრძვიან ქართველების თავისი დემოკრატიის დასაცავად – “ბევრზე მეტყველებს”.
გუშინ ევროპარლამენტმა პატივი მიაგო მზია ამაღლობელს, საქართველოს პრო-დემოკრატიული მოძრაობის მამაც წარმომადგენელს, როგორც სახაროვის პრემიის ერთ-ერთ ლაურეატს. როგორც იბრძვიან ქართველების თავისი დემოკრატიის დასაცავად – ბევრზე მეტყველებს. ქვეყანა ოდესღაც აღმოსავლეთ სამეზობლო პოლიტიკის ლიდერი იყო.
უკვე აღვნიშნე, დემოკრატიის შემცირება, რომელიც აღინიშნება სახელმწიფოს მიტაცებით, სამოქალაქო საზოგადოების სასტიკი რეპრესირებით, და საარჩევნო თაღლითობით, ყველასთვის შემაშფოთებელი უნდა იყოს. აღმოსავლეთ პარტნიორობა უფრო ოპტიმისტურ დროს იქნა შექმნილი, მან დაკავშირებადობა და რეფორმები მოგვიტანა და მოლდოვა და უკრაინა ნათელ ევროპულ გზაზე დააყენა. მაგრამ მას ნამდვილად აკლია ეფექტიანი ინსტრუმენტები დემოკრატიული უკუსვლის და მავნე გავლენების აღსაკვეთად, რასაც ახლა სამწუხაროდ ვხედავთ საქართველოში.
საქართველოში დემოკრატიული კრიზისის გაღრმავება გვახსენებს, რომ მტკიცე სამეზობლო პოლიტიკა და გაფართოების პოლიტიკა უნდა იყოს ცხადი, სანდო და პირობითი, უნდა ეწინააღმდეგებოდეს მათ, ვინც ძირს უთხრის ამას და გვერდში უნდა ედგეს მათ, ვინც ევროპას ირჩევს – საქართველოს შესანიშნავი ხალხი,” – განაცხადა მაკალისტერმა. (თარგმანი: Ipn.ge)