რუსთაველის გამზირზე, მცხოვრებლები ამტკიცებენ, რომ მათ ეზოებში გახსნილ სასტუმროებს სავარაუდოდ პროსტიტუციის მიზნით იყენებენ, რაშიც არასრულწლოვანებიც არიან ჩართულნი.
მათი განცხადებით, ყოველდღე, ღამის საათებში გაუსაძლისი ხმაურია და საპატრულო პოლიციის ეკიპაჟების გამოძახება უწევთ, თუმცა, მათი თქმით, პრობლემა არ გვარდება. მაცხოვრებლები ფიქრობენ, რომ ბიზნესს გავლენიანი მფარველები ჰყავთ.
სასტუმრო “ძველი თბილისი” და “მეფეების კლუბი” არაბ ბიზნესმენს ეკუთვნის.
სასტუმრო “ვილა ძველი თბილისის” ადმინისტრაცია ბრალდებებს უარყოფს. მათი მტკიცებით, ისინი კანონით აკრძალული საქმიანობით არ არიან დაკავებულნი. ადგილობრივების ბრალდებებს კი ცილისმწამებლურს უწოდებენ.
ამასთან, ადმინისტრაციის წარმომადეგენლთა თქმით, ისინი გაფართოებასაც გეგმავენ.
“აღვირახსნილ ცხოვრებას ეწევიან… კიბეზე ვუყურებთ სექსს… სექსუალური ხმები გამოდის, ახლა დეტალებში, სიღრმეებში ჩვენ როგორ შევალთ?!”
„ძილი შეუძლებელია… დილის 4 საათიდან იწყება ყველაფერი საოცარი… – ცემა -ტყეპა, ლანძღვა-გინება…“ , – ამბობენ ადგილობრივები TV – “პირველთან” საუბრისას.