ადვოკატი, “მთავარი არხის”-ს გენერალური დირექტორი ნიკა გვარამია საქართველოში ე.წ. მწვანე პასპორტის მოთხოვნის ვალდებულების გაუქმებას სოციალურ ქსელში ეხმაურება და წერს, რომ “ანტივაქსერებმა გაიმარჯვეს”.
“და, არ შეიძლება, ვისაც აცრები გაკეთებული გვაქვს, ისინი იმით მაინც გამოგვარჩიოთ,
რომ მუქი მწვანე პასპორტები დაგვირიგოთ?
ფაქტის კონსტატაცია: საქართველოში ანტივაქსერებმა გაიმარჯვეს. ყველა სფეროში”, – წერს გვარამია “ფეისბუქი”-ს პირად გვერდზე.
მთავრობის ადმინისტრაციის პრესსამსახურის მიერ გავრცელებული ინფორმაციის თანახმად, საბჭოს სხდომაზე აღინიშნა, რომ აღრიცხვიანობის ყველა სისტემა კვლავ მოქმედი რჩება და ის პირები, რომლებსაც „მწვანე პასპორტი“ საზღვარგარეთ გასამგზავრებლად ესაჭიროებათ, კვლავინდებურად შეძლებენ ამ მექანიზმით სარგებლობას. ამასთან, ინფიცირების მზარდი რაოდენობის მიუხედავად, ვითარება სრულად მართვადია, ჰოსპიტალურ სექტორზე ზეწოლა მნიშვნელოვნად არ იზრდება, პაციენტების დიდი უმრავლესობა მკურნალობს ბინაზე და მათი ჯანმრთელობის მდგომარეობის მონიტორინგს ახორციელებენ ოჯახის ექიმები, რომელთა რაოდენობა ბოლო დღეებში კიდევ უფრო გაიზარდა.
https://mix.metronome.ge/25602-2/