საქართველოს მესამე პრეზიდენტი მიხეილ სააკაშვილი საპატიმროდან სოციალურ ქსელში განცხადებას ავრცელებს.
მისი თქმით, მალე ხელისუფლება საქართველოს ქცევს რუსეთის ნაწილად ამას მიასწავლებს რუსული ენის სკოლებში დაბრუნებაც. ასევე აცხადებს, რომ 2007 წელს მან შეაჩერა ბიძინა ივანიშვილი საქართველოში რუსული კულტურული ცენტრის გახსნისგან.
“რუსეთმა გამოაცხადა საკუთარი თავი სახელმწიფო-ცივილიზაციად, სწორედ ამ ცივილიზაციის (უფრო სწორედ ანტიცივილიზაციის) ნაწილად გვაქცევს ჩვენ ქოცობა.
ეს ასევე გულისხმობს რუსული ენის დაბრუნებას საქართველოში. ტყუილად არ წაიყვანეს გორელი მასწავლებლები რუსეთში გადასამზადებლად.
2007 წელს მე დავბლოკე ივანიშვილის გეგმა, აეშენებინა ქალაქის ცენტრში (სანაპიროზე) რუსული კულტურული ცენტრი, ახლა ის მთელ ქვეყანას აქცევს იმ სამყაროს ნაწილად”. – წერს მიხეილ სააკაშვილი