“ოცნებამ საკუთარი დანაშაული ფაქტობრივად აღიარა გომელაურის პირით” – გიორგი ახობაძე

ექიმი, გიორგი ახობაძე BBC-ის მიერ გავრცელებული ინფორმაციას ეხმიანება, რომლის მიხედვით, გასულ წელს “ქართულმა ოცნებამ” მომიტინგეების წინააღმდეგ პირველი მსოფლიო ომის დროინდელი ქიმიური ნივთიერება გამოიყენა.

მისი თქმით, დღეს “ქართულმა ოცნებამ” ვახტანგ გომელაურის პირით საკუთარი დანაშაული ფაქტობრივად აღიარა.

პაზლის პატარ-პატარა ნაგლეჯები აეწყო და ბევრმა ადმიანმა გაიხსენა რა საშინელებები ხდებოდა მაშინ ამ მიმართულებით და ის რა პასუხებიც გაგვცა დღეს ამ ტერორისტულმა რეჟიმმა, არათუ თავი დაიცვეს, პირიქით, საკუთარი დანაშაული ფაქტობრივად აღიარეს გომელაურის პირით, ის დანაშაული რაც ჩადენილი აქვთ და ამას ვერაფერი ვეღარ ჩამორეცხავს მაგათ. შემდეგი დღეები ალბათ კიდევ უნდა ვისაუბროთ ამაზე და ბევრი ადამიანი უნდა ალაპარაკდეს, როგორც ექიმები, ასევე დაზარალებულები, რა ხდებოდა ამ მიმართულებით. იმ პერიოდში ისეთის საგიჟეთი იყო ქვეყანაში ამას ვერ მივაქციეთ სამწუხაროდ სათანადო ყურადღება.

არ დაგვავიწყდეს, რომ გომელაური არის კაცი, რომელიც იყო შს მინისტრი და რომელიც არის მაგნიცკის სიაში. მაგნიცკის სიაში არ ხვდებიან პიცის მცხობელები და ქველმოქმედები, იქ ხვდებიან ადამიანის უფლებების მძიმე დარღვევების გამო, შესაბამისად… ძალიან კარგი რაღაც წამოაცდინეს გომელაურს და დაგვიდასტურეს, რომ ეს მარაგში აქვთ. დანარჩენი უკვე გომელაურმა რა თქვა არის პატეფონში გაჟღერებული ექო,” – თქვა გიორგი ახობაძემ.