დასავლეთ გერმანიაში 44 წლის მამაკაცი დაადანაშაულეს იმაში, რომ პაციენტებს დიდი დოზით დასაძინებელ და ტკივილგამაყუჩებელ პრეპარატებს უკეთებდა. ამის შესახებ უცხოური მედია წერს.
პროკურორების თქმით, იგი ძირითადად ხანდაზმულ ადამიანებს აძლევდა ძალიან დიდი დოზით დასაძინებელ და ტკივილგამაყუჩებელ წამლებს, როგორიცაა მორფინი და მიდაზოლამი.
ეს წამლები იმდენად ძლიერია, რომ ზოგჯერ აშშ-ში სიკვდილით დასჯის დროსაც გამოიყენება. გამოძიების თანახმად, მედდამ ეს ყველაფერი გააკეთა მხოლოდ იმისთვის, რომ ღამის ცვლა მისთვის უფრო მარტივი და მშვიდი ყოფილიყო.
ბრალდებულმა სასამართლოში ჩვენება მისცა და თქვა, რომ ის უბრალოდ ცდილობდა პაციენტების დაძინებას, რადგან „ძილი საუკეთესო წამალია”. მამაკაცი ამტკიცებდა, რომ წარმოდგენა არ ჰქონდა, რომ მის მიერ გამოყენებული წამლები ასე მომაკვდინებელი იქნებოდა.
მედდა საავადმყოფოში 2020 წლიდან მუშაობდა. სასამართლომ მამაკაცი ცოტა ხნის წინ გაასამართლა. მან სულ მცირე 10 პაციენტი მოკლა და 27-ის მკვლელობა სცადა. მედდას სამუდამო პატიმრობა მიუსაჯეს.
აღნიშნული დანაშაულები მოხდა 2023 წლის დეკემბრიდან 2024 წლის მაისამდე. გამომძიებლები სხვა საეჭვო შემთხვევებსაც იკვლევენ, რომლებიც მის სამედიცინო საქმიანობას უკავშირდება.