საქართველოს მესამე პრეზიდენტის ადვოკატის, ბექა ბასილაიას განცხადებით, მიხეილ სააკაშვილის პატიმრობით დაინტერესებულია არ ამხოლოდ უშუალოდ ივანიშვილი, არამედ მისი ტუსაღობით და მძიმე მდგომარეობით დაინტერესებულია პუტინი.
როგორც ბასილაიამ გადაცემა “რეაქციაში“ განაცხადა, უკრაინის მხრიდან სააკაშვილის აღიარება იმ სტატუსით, რასაც მესამე პრეზიდენტი ითხოვს, ძალიან მნიშვნელოვანი როგორც იურიდიული, ასევე მორალური თვალსაზრისით.
თუ ზელენსკი მიხეილ სააკაშვილის მოთხოვნას, “სამოქალაქო ტყვეების სიაში შეყვანასთან“ დაკავშირებით, დააკმაყოფილებს, ეს იქნება აღიარება, უკვე სამართლებრივი დოკუმენტის დონეზე, რომ მიხეილ სააკაშვილი არის საქართველოს მარიონეტული ხელისუფლების, რუსეთისგან მართული ხელისუფლების ტყვე, ამას დიდი მორალური და სამართლებრივი მნიშვნელობა ექნება, იქიდან გამომდინარე, რომ ჩვენ ყველას გვესმის, რომ მისი პატიმრობით დაინტერესებულია არ ამხოლოდ უშუალოდ ივანიშვილი, როგორც მისი მთავარი პოლიტიკური ოპონენტი, არამედ მისი ტუსაღობით და მძიმე მდგომარეობით დაინტერესებულია პუტინი, რომელიც ამას ადრეც არ მალავდა. ყველას გვახსოვს მისი მუქარები სააკაშვილის მიმართ, შესაბამისად, უკრაინის მხრიდან, მისი აღიარება იმ სტატუსით, რაზედაც ის საუბრობს, ძალიან მნიშვნელოვანია, როგორც იურიდიული, ასევე მორალური თვალსაზრისით. რაც შეეხება შედეგებს – რა შეიძლება მოხდეს, ამასთან დაკავშირებით შესაბამისი მექანიზმები არსებობს, ტყვეები როგორ უნდა იყვნენ დახსნილნი, თუმცა ამაზე საუაბრი ჯერ ადრეა – განაცხადა ბექა ბასილაიამ.
ცნობისთვის, სპეციალურმა პენიტენციურმა სამსახურმა გაავრცელა ინფორმაცია, რომ მიხეილ სააკაშვილი ციხეში დააბრუნეს. მიხეილ სააკაშვილი ვოლოდიმირ ზელენსკის „სამოქალაქო ტყვეების“ სიაში შეყვანის თხოვნით მიმართა.