თურქეთის თავდაცვის მინისტრი აქვეყნებს იმ სამხედროების ნაწილის ფოტოებს, რომლებიც საქართველო-აზერბაიჯანის საზღვარზე, თურქული სამხედრო ხომალდის – C130 Hercules-ის ჩამოვარდნის შედეგად დაიღუპნენ.
“ჩვენი გმირი თანამებრძოლები 2025 წლის 11 ნოემბერს დაიღუპნენ, როდესაც ჩვენი C-130 სამხედრო სატვირთო თვითმფრინავი, რომელიც აზერბაიჯანიდან ჩვენს ქვეყანაში მიფრინავდა, საქართველო-აზერბაიჯანის საზღვართან ახლოს ჩამოვარდა“ – წერს თურქეთის თავდაცვის მინისტრი იასარ გიულერი X-ზე და ფოტოებს აქვეყნებს.
დაღუპულთა შორის არიან: პილოტი გოხან კორკმაზი, თვითმფრინავის ტექნიკური სამსახურის უფროსი ლეიტენანტი ემრე მერკანი, თვითმფრინავის ტექნიკური სერჟანტი ნური ოზკანი, თვითმფრინავის ტექნიკური უფროსი სერჟანტი ილჰან ონგანი, საჰაერო შტაბის უფროსი ილკერ აიკუტი და საჰაერო ძალების ოფიცერები: სერდარ უსლუ, ნიჰატ ილგენი, ჯუნეით კანდემირი, უმიტ ინცე, ბურაკ ოზკანი, ემრა კურანი, ჰამდი არმაგან კაპლანი, აკინ კარაკუსი, რამაზან იაგიზი, ემრე ალთიოკი, ბურაკ იბიგი, ბერკაი კარაჩა, აჰმედ იაშარ კუიუჩუ, ჯემ დოლაპჩი და ემრე საინი.
შეგახსენებთ, თვითმფრინავი საქართველო-აზერბაიჯანის საზღვარზე გუშინ ჩამოვარდა. მოგვიანებით ცნობილი გახდა, რომ შემთხვევას 20 თურქი სამხედრო ემსხვერპლა. საქართველოს შინაგან საქმეთა სამინისტრომ გამოძიება სისხლის სამართლის კოდექსის 275-ე მუხლის მე-4 ნაწილით დაიწყო, რაც საჰაერო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.