სისხლიანი გარჩევა დროებით ოკუპირებულ აფხაზეთში – სროლის შედეგად ხუთი ადამიანი დაიჭრა , რომელთაგან ერთი მძიმე მდგომარეობაშია. მას ცეცხლნასროლი ჭრილობა თავის არეში აქვს მიყენებული.
ოკუპირებული რეგიონის ე.წ. შს მინისტრის, რობერტ კიუტის განცხადებით, მიმდინარეობს ოპერატიულ-სამძებრო ღონისძიებები, ინციდენტთან კავშირში მყოფი ყველა პირის დადგენის მიზნით.
Telegram-არხებზე გავრცელებული ცნობებით, სროლა შესაძლოა ე.წ. „კანონიერ ქურდზე,“ რაულ ბარცბაზე თავდასხმის მცდელობა ყოფილიყო. ამავე ცნობებით, დაჭრილია თავად ბარცბაც. ცნობილია, რომ სროლა დაკრძალვის ცერემონიალის დროს მოხდა.