რუსთაველის გამზირზე უწყვეტი პროტესტი გრძელდება. დედაქალაქის მთავარ გამზირზე მოქალაქეები დღესაც შეიკრიბნენ. ხალხი ისევ ახალ არჩევნებს და პოლიტპატიმრების გათავისუფლებას ითხოვს.
ადგილზე იმყოფება მწერალი დათო ტურაშვილიც, რომელიც ამბობს, რომ ქუჩაში უსამართლობამ გამოიყვანა. მწერალი მიიჩნევს, რომ ადამიანებს ციხეში აბსურდული ბრალდებებით იჭერენ.
“ღიმილისმომგვრელია, რომ არ იყოს ტრაგიკული, რომ ასე მოგონილი, შეთითხნილი ბრალდებებით რამდენი ადამიანი ჰყავთ დაჭერილი. მე დღეს იმიტომ მოვედი, რომ ჩემმა შვილმა მითხრა, რომ მეც მომიწევს დაპატიმრებაო. გავიგე, რომ რამდენიმე დღის წინ მარკესი აკრძალეს საპატიმროებში და მარკესს აქვს ასეთი საოცარი ფრაზა: არსებობს ორნაირი ღამე მამებისთვის, ერთი, როცა შვილი სახლშია და მეორე – როცა არ არის. და, მე მგონია, რომ სამი ღამეა, ყველაზე რთულია მესამე, როცა შვილი არ არის იმიტომ, რომ პატიმარია და ამიტომ მირჩევნია ვარ, რომ მე გავხდე პატიმარი. ეს არის აბსურდული კანონები, რის გამოც ადამიანებს ციხეში უშვებდნენ, – ამბობს დათო ტურაშვილი.