მუსლიმური თემი მანჩო გიორგობიანის განცხადებაზე რეაგირებას ითხოვს.
მარნეულის ცენტრალური მეჩეთის წინამძღვარი, ჰაჯი ჰაჯიევმა თქვა, რომ “გავრცელებულ ვიდეოჩანაწერში ნათლად ისმის ქალის ხმა, რომელიც ამბობს: “გამოდით, თქვენს სამშობლოში წადით” – ფაქტს შესაბამისი სამართლებრივი რეაგირება უნდა მოჰყვეს”.
“საქართველოს დედაქალაქ თბილისში ჩვენს ეროვნებას არა მხოლოდ შეურაცხყოფა მიაყენეს, არამედ ფიზიკური ძალადობაც განხორციელდა. გავრცელებულ ვიდეოჩანაწერში ნათლად ისმის ქალის ხმა, რომელიც ამბობს: “გამოდით, თქვენს სამშობლოში წადით”. ეს უმნიშვნელოვანესი შემთხვევაა, რადგან ეს პირველი შემთხვევა არ არის. ცოტა ხნის წინ მარნეულში მომხდარ ფაქტს ჩვეულებრივი შემთხვევასავით შეხედეს, თითქოს არაფერი მომხდარა, ახლა კი მსგავსი მოვლენები თბილისშიც ხდება.
არ ვიცით, ვის რა ინტერესები აქვს ამ პროცესებში, მაგრამ სახელმწიფო ორგანოები მოვლენებს სერიოზულად უნდა მიუდგნენ. თითოეულმა ადამიანმა საკუთარი მოვალეობა უნდა შეასრულოს, ხოლო საზოგადოებამ – კანონიერად დაიცვას თავისი უფლებები. საუკუნეების განმავლობაში ამ ტერიტორიაზე მცხოვრებ ადგილობრივ ხალხს “სტუმარს” უწოდებენ და ეუბნებიან: “თქვენს სამშობლოში წადით”. ეს მეტად სერიოზული საკითხია.
თუ ასეთი შემთხვევების დროს ვინმეს აკავებენ და შემდეგ მეორე დღეს უკანა კარიდან ათავისუფლებენ, ეს ნაბიჯები შედეგს ვერ გამოიღებს. მთავრობის წარმომადგენლებმა უნდა იცოდნენ, რომ თუ მსგავსი ინციდენტების დროული პრევენცია არ მოხდება, სერიოზული პრობლემები შეიქმნება, რომელთა მოგვარება შემდეგ გაცილებით რთული იქნება” | თქვა მარნეულის ცენტრალური მეჩეთის წინამძღვარმა [TV პირველი]
სასამართლომ მანჩო გიორგობიანს აღკვეთის ღონისძიების სახით პატიმრობა შეუფარდა – 2 ნოემბერს მანჩო გიორგობიანმა 6 სხვა პირთან ერთად, ერთ-ერთი მაღაზიის თანამშრომლებზე ჯგუფურად იძალადა. მანჩო გიორგობიანი 5 ნოემბერს დააკავეს დააკავეს.