მამუკა ჩარკვიანის შვილს, ჯაკო ჩარკვიანს, აღკვეთის ღონისძიების სახით პატიმრობა შეეფარდა | გადაწყვეტილება თბილისის საქალაქო სასამართლოში გამოცხადდა. შემდეგი სასამართლო პროცესი 24 დეკემბერს, 11:00 საათზე გაიმართება. პატიმრობა შეეფარდა მასთან ერთად დაკავებულ ოთხ პირსაც, შოთა აფციაურს, დაჩი კეკელიას, ლევან გრძელიძესა და დავით პეტრიაშვილს. მათ ჯგუფურ ძალადობაში მონაწილეობასა და ცეცხლსასროლი იარაღის მართლსაწინააღმდეგო შეძენა-შენახვას ედავებიან.
ჯაკო ჩარკვიანი მანჩო გიორგობიანის მიერ ორგანიზებული ძალადობის საქმეზე გუშინ, 6 ნოემბერს, 4 პირთან ერთად დააკავეს. გუშინ შსს-მ განაცხადა, რომ მისი სახლის ჩხრეკის შედეგად, 2 ავტომატური ცეცხლსასროლი იარაღი, გლუვლულიანი თოფი და სხვადასხვა ტიპის ცეცხლსასროლი იარაღისთვის განკუთვნილი 110 ვაზნა ამოიღეს.