სასულიერო პირი, მამა ილია თოლორაია, რომელსაც ინტერვიუს გამო საპატრიარქოში ახსნა-განმარტებებზე დაიბარეს, ამბობს, რომ არ გაჩუმდება, რაც არ უნდა მოხდეს და მხოლოდ იმ შემთხვევაში გააჩუმებენ “თუ ტყვიას ესვრიან“.
მამა ილია თოლორაია გადაცემა “რეაქციაში“ გუშინდელ ისტორიას იხსენებს და ამბობს, რომ როცა ასეთი ადამაინები რუსთაველზე ეგულება, კელიაში ვერ შევა და ისე ვერ ილოცებს, თითქოს, არაფერი ხდება.
“ჩვენ არ გავჩუმდებით, რაც არ უნდა გამიკეთონ, რაც არ უნდა მოხდეს, ერთადერთი თუ გავჩუმდები, მესროლონ ტყვია და მომკლან, როცა ამ ადამიანებს ვუყურებ, როგორ გავჩუმდები?! გუშინ აქციაზე ვიყავი და მე-6, მე-7 კლსაელი ბავშვები იდგნენ, ვეკითხები, რას შვებით აქ-მეთქი და ვაპროტესტებთო, რას აპროტესტებთ-თქო ვკითხე და ჩვენი მასწავლებელი დაიჭირესო. როცა ასეთ ბავშვებს ვხედავ რუსთაველზე, მე რომ მღვდელი წავიდე და გავჩუმდე, კელიაში ვილოცო, როგორ ვილოცო. არ მგონია, მღვდელი ამ ყველაფერს ხედავდეს, მან ბიბლია წაიკითხოს და ამ ბიბლიაში ღმერთი გაიგოს, – თქვა მამა ილია თოლორაიამ.