მე-10 საჯარო სკოლის მოსწავლეებს ორშაბათიდან გურამიშვილის გამზირზე, “აღმოსავლეთ ევროპის უნივერსიტეტის” ერთ ერთ კამპუსში გადაიყვანენ, სადაც საგაკვეთილო პროცესები ჩვეულ რეჟიმში აღდგება.
ამის შესახებ დაპირება პროტესტში მყოფ მშობლებსა და მოსწავლეებს, დღეს განათლების მინისტრის მოადგილემ მისცა.
შეგახსენებთ, რომ მეათე სკოლის შენობა რამდენიმე წლის წინ დაანგრიეს, ახლის აშენების დაპირებით. ნაძალადევის რაიონში, ცოტნე დადიანის ქუჩაზე მე-10 საჯარო სკოლის მოსწავლეებმა და მშობლებმა გზა გუშინაც გადაკეტეს. ისინი სკოლის მშენებლობის სწრაფად დასრულებასა ან მანამდე ხელსაყრელი ალტერნატიული ადგილის გამოყოფას ითხოვენ.