The Times of Israel-ის ცნობით, ისრაელის პრემიერ-მინისტრმა, ნეთანიაჰუმ „ჰამასის“ მიერ განხორციელებული თავდასხმის საპასუხოდ, ღაზაში ტერორისტული სამიზნეების წინააღმდეგ ზომების მიღების ბრძანება გასცა.
შეგახსენებთ, რომ მანამდე ისრაელის თავდაცვის ძალებმა გაავრცელა ინფორმაცია, რომ „ჰამასმა“ ღაზას სექტორის სამხრეთით, რაფაჰის რაიონში მოქმედი ისრაელის ძალების წინააღმდეგ სნაიპერული ცეცხლი და ჭურვები გამოიყენა, საპასუხოდ კი ისრაელმა ტერორისტულ სამიზნეებზე არაერთი საჰაერო დარტყმა განახორციელა.
“ინციდენტები ისრაელის მიერ კონტროლირებად ტერიტორიაზე მოხდა. ეს ცეცხლის შეწყვეტის აშკარა დარღვევაა“ – განაცხადა ერთ-ერთმა ოფიციალურმა პირმა.
“ჰამასის“ მაღალჩინოსანმა, იზატ ალ რიშეკმა განაცხადა, რომ “ჰამასი“ ცეცხლის შეწყვეტის შეთანხმების ერთგული რჩება და აღნიშნულში ისრაელი დაადანაშაულა.