ვერ გეტყვით რა კითხვები იყო, გაუთქმელობაზე ხელი მომაწერინეს, – ამის შესახებ “ფედერალისტების” ლიდერი, თამარ ჩერგოლეიშვილი სასამართლოში გამოკითხვის შემდეგ აცხადებს.
როგორც ჩერგოლეიშვილმა ჟურნალისტებს განუცხადა, აგრძელებს ყველას მხილებას, ვინც 4 ოქტომბრის ავანტიურაში მონაწილეობდა.
„მოწმეს სხვა სტანდარტი სჭირდება, პოლიტიკოსი სრულიად სხვანაირად განსჯის და მსჯელობს. როგორც პოლიტიკოსი მე ვაგრძელებ ყველას მხილებას, ვინც 4 ოქტომბრის ავანტიურაში მონაწილეობდა. ყველა ინფორმაცია, რასაც ვავრცელებ, არის ზუსტი, ოღონდ ამას ვერ ექნება სამართლებრივი ღირებულება მოწმის სტატუსით. ვერ გეტყვით რა კითხვები იყო, გაუთქმელობაზე ხელი მომაწერინეს. მოწმედ რომ არ გამოვადექი, ეს ზუსტად ვიცი, კარგი სანახაობა იყო“,-განაცხადა ჩერგოლეიშვილმა. (IPN-ის ცნობით)
ცნობისთვის, თამარ ჩერგოლეიშვილი გამოკითვაზე მას შემდეგ დაიბარეს, რაც მან “ფორმულას” ეთერში 4 ოქტომბერთან დაკავშირებით ისაუბრა.