მეგობრებო, რაღაც ახალი თემა აგორდა, ჩერგოლეიშვილი სიმართლეს კი იძახის, უბრალოდ საკმარისად არ ეფერება ხალხს რომ გააგებინოსო – ამის შესახებ “ფედერალისტების” ლიდერი, თამარ ჩერგოლეიშვილი სოციალურ ქსელში წერს.
“მეგობრებო, რაღაც ახალი თემა აგორდა, ჩერგოლეიშვილი სიმართლეს კი იძახის, უბრალოდ საკმარისად არ ეფერება ხალხს რომ გააგებინოსო – მოგვეფეროსო, და ნუ გვბლოკავსო.
(მამა გაბრიელის ზეთი რომ წაგისვათ?)
ჩემი ნათქვამის გაგებას ხელს ის კი არ უშლის რომ გბლოკავთ, ან საკმარისად ტკბილად არ გესაუბრებით, ან საკმარისი არგუმენტი არ მომყავს, ან საკმარისად გასაგებად და ლოგიკურად არ ვსაუბრობ.
თქვენი წინასწარი განწყობა უშლის.
ეს ნორმალურია.
თქვენი ყურისთვის ახალი და უცხო ვარ – ახალია (რეალურად, დავიწყებული ძველი) რასაც ვიძახი, როგორც ვიძახი და ვაკეთებ.
ევოლუციურია ის, რომ არანორმალური გგონივართ და ეჭვის თვალით უყურებთ ჩემს ნათქვამს.
ამიტომ ვზივარ ჯორზე წლებია და ვაკაკუნებ ერთსა და იმავეს: ეჭვები რომ გავფანტოთ და ადამიანების ტვინებში და გულებში შევაღწიოთ, თანმიმდევრულები უნდა ვიყოთ – წვეთით ქვა უნდა ვხვრიტოთ.
ამას ემატება ავტოკრატიული სისტემა.
რასაც მე ვლაპარაკობ, ის ავტოკრატიულ სისტემას უთხრის ძირს – არა მხოლოდ რეჟიმს, არამედ ოპოზიციურ ბარონებს, რომლებიც თავს იმით იცავენ, რომ ჩემი ნათქვამი სიმართლის გავრცელებას მათი მარიონეტი მედიების მეშვეობით ბლოკავენ – ცხადია ეს პროცესს ხერგავს და დამატებითი დაბრკოლებაა, რომელიც უნდა გაინგრეს იმისთვის, რომ დემოკრატიულ პროცესს ფართო გზა მიეცეს და ძალა აკრიფოს.
ანუ ესაა “ვერ გაგების” ანატომია და არა ის რომ დაგბლოკეთ.
ქვემოთ დავდებ სასაცილო სქრინს”