პაატა ბურჭულაძის შვილი, შუქრი ბურჭულაძე ამბობს, რომ მამამისს უღალატეს იმ ადამიანებმა, ვინც ოპოზიციურად მოაზროვნე ადამიანებს ითანხმებენ და შემდეგ ორმაგ თამაშს თამაშობენ.
როგორც მან „ტვ პირველის“ ეთერში განაცხადა, აუცილებელია ყველა მათგანმა, ვინც ამ ღალატის მსხვერპლი გახდა და ახლა ციხეშია, ხმამაღლა გააჟღერონ ამ ღალატის და მოღალატეების შესახებ, რათა სხვებმაც იგივე შეცდომა არ გაიმეორონ.
“ფაქტია, რომ ღალატი მოხდა. პაატა დარწმუნებული იყო, რომ მშვიდობიანად ჩაივლიდა ყველაფერი, ეს უნდა გააჟღერონ ორგანიზატორებმა, ვინც იცის. თუნდაც იმიტომ, რომ მეორეჯერ სხვებმა იგივე შეცდომა არ დაუშვან, ვინც იციან, დაჭერილები ვინც არიან, მათზე ვსაუბრობ, რომ თქვან, რადგან იგივე ადამიანს სხვა აღარ ენდოს, რადგან არსებობენ ისეთი ადამიანები, რომლებიც სპეციალურად ოპოზიციურად მოაზროვნე ადამიანებს ითანხმებენ რაღაცაზე, ორმაგ თამაშს თამაშობენ და მერე ისევ იჭერენ ოლიგარქიის მხარს, – თქვა შუქრი ბურჭულაძემ.
მისივე თქმით, პაატას მისთვის არ უთქვამს, რომ ვინმემ უღალატა, რადგან იქ მაგის დრო არ იყო და თან მამამისიც თავს შეუძლოდ გრძნობდა.
“პაატას ძალიან დიდი პასუხისმგებლობის გრძობა აქვს და ის ასე ჰაერზე არავის მოუწოდებდა ამდენ ხალხს, რომ გამოსულიყო და ასეთ ინციდენტშ მიეღო მონაწილეობა”, – ამბობს ის.