საოკუპაციო ხაზიდან 5 ბავშვი გაიტაცეს. როგორც ჩვენთან საუბარში ერთ-ერთის მამა, ბესო სიდამონიძე ამბობს, შემთხვევა დაახლოებით ნახევარი საათის წინ, თამარაშენში მოხდა.
გატაცებული ბავშვები 10-12 წლის არიან. გატაცების შესახებ კი ადგილობრივებს სხვა ბავშვებმა შეატყობინეს, რომლებიც ოკუპანტების გამოჩენის შემდეგ გამოიქცნენ.
“ქარელის რაიონში, სოფელ თამარაშენში ბავშვები იყვნენ ამოსულები, თამაშობდნენ, საოკუპაციო ხაზთან ჩვენს ტერიტორიაზე. გაიტაცეს ბავშვები. რუსები იყვნენ თუ ოსები, ამას ვერ დაგიდასტურებთ. საშინელ მდგომარეობაში ვართ, თუ ვინმეს მიუწვდება ხმა საელჩოებთან, ან თვითაღიარებულ რესპუბლიკასთან, გთხოვთ, დაგვეხმაროთ. ლაპარაკია 10 წლის ბავშვებზე, მოგვხედეთ, გთხოვთ” – ამბობს ერთ-ერთი გატაცებულის მამა ბესო სიდამონიძე.