მოსალოდნელი ამინდის პროგნოზის შესახებ “მეტრონომი” მოკლევადიანი პროგნოზების სამმართველოს უფროსს, დოდო გვაზავას დაუკავშირდა. მისი ინფორმაციით 26 რიცხვიდან უკვე უნდა იყოს მოსახლეობაა ამინდის გაუარესებისათვის და ტემპერატურის კლებისათვის მზად.
“ამინდის არამდგრადობა 26 სექტემბრის მეორე ნახევრიდან არის მოსალოდნელი საქართველოს უმეტეს რაიონში. მოსალოდნელი წვიმა,ელჭექი და დასავლეთის ქარის გაძლიერებას. 27- ში შესაძლებელია ზომიერზე მეტი წვიმა, თუმცა ეს იქნება ხანმოკლე და არა ისეთი სიძლიერის, როგორიც იყო წინა კვირის უხვი ნალექი. 28-ში დასავლეთ საქართველოში გამოიდარებს და აღმოსავლეთ საქართველოში თანდათანობით უმეტეს რეგიონში შეწყდება ნალექი. უხვი ნალექი იმოქმედებს ტემპერატურის კლებაზეც 26 სექტემბერს უკვე დაიწყება რამდენიმე გრადუსით ტემპერატურის კლება დასავლეთში ხოლო 28 სექტემბრიდან კი უკვე აღმოსავლეთ საქართველოშიც იგრძნობენ ტემპერატურის ვარდნას”, – აღნიშნა დოდო გვაზავამ “მეტრონომთან”.