“სასწრაფოს ბრიგადის მიერ იქნა ჩვენთან შემოყვანილი კლინიკაში, სხეულის დამწვრობა აღენიშნებოდა 48% – ით. ახალგაზრდა გოგონას დამწვარი ქონდა სახე, თავი, გულ-მკერდის წინა და უკანა ზედაპირი და ორივე ზედა კიდური” – გუგა ქაშიბაძემ “მეტრონომთან”, ლოტკინზე საცხოვრებელი სახლის აფეთქების შედეგად დაშავებული ახალგაზრდა გოგონას ჯანმრთელობის მდგომარეობის შესახებ ისაუბრა.
“მოთავსდა რეანიმაციის განყოფილებაში. ამ წუთისათვის მისი მდგომარეობა სტაბილურია, თუმცა სერიოზული დაზიანებები აღენიშნება. მის სიცოცხლეს საფრთხე ემუქრება თუ არა, კითხვაზე ამ ეტაპზე ვერ გავცემ პასუხს თუმცა საკმაოდ სერიოზული დიაგნოზია 48% სხეულის დამწვრობა, ეს არის თითქმის ნახევარი სხეულის დამწვრობა”, – გუგა ქაშიბაძე.